جۇرەكتەرگە جىلىلىق سەبۋ –  عانيبەت

قازاقستانداعى اسسامبلەيا جىلىن مەرەكەلەۋ شەڭبەرىندە وبلىستا «20 ىزگى ءىس» جوباسى باستاۋ الدى. وڭىردەگى «ۆيدەرگەبۋرت» نەمىس قوعامى وسى جولعى شا­­را­لارعا قايىرىمدىلىق, الەۋ­مەتتىك ەكپىن بەرىپ وتىر. بۇل ەلباسى, قازاقستان حالقى اسسام­بلەياسىنىڭ توراعاسى نۇرسۇلتان نازارباەۆتىڭ «نۇرلى جول – بولاشاققا باستار جول» اتتى جول­داۋىنداعى تاپسىرمالارمەن وزەكتەس كەلەدى. ياعني, ءبىزدىڭ بىرلەستىك كوپبالالى جانە جالعىزىلىكتى وتباسىلاردىڭ, مۇق­تاج جانداردىڭ, قاريالار مەن مۇگەدەك بالالاردىڭ جۇرەك­تەرىنە جىلىلىق سەبۋدەگى يگى داستۇرلەرىن جالعاستىرا بەرمەك. ءبىزدىڭ پرەزيدەنتىمىز اي­قىنداعانىنداي, اسسامبلەيا جىلى اۋقىمدى ءارى قات-قابات جۇمىستارعا تولى بولماق. بەلسەندىلەرىمىز بيىل دەرەكتەر قورىن جاڭعىرتىپ, ءاربىر ازا­ماتتىڭ جۇرەگىنە جول تابۋعا تىرىسۋدا. سوندىقتان, بىرلەستىگىمىز كومەك قولىن سوزار ادامدار سانى ءوسىپ وتىر. اسىرەسە, ەرىكسىز قۋدالانىپ, تاعدىر تالكەگىنە تۇسكەن وتانداستارىمىزدىڭ ءتىزىمى ايرىقشا نازاردا ۇستالۋدا. ولاردىڭ كۇندەلىكتى تۇرمىس-تىرشىلىگىنە كومەكتەسۋمەن قاتار, جاس ۇرپاقپەن كەزدەسۋلەرىن دە ۇيىمداستىرۋدامىز. مۇنداي شارالار وتانداستارىمىزدىڭ جان-دۇنيەسىن جادىراتىپ, قازاقستان قوعامىنىڭ قۇندىلىقتارىن اشىپ كورسەتۋگە ىقپال ەتەدى. بىرلەستىك كومەك-قولداۋدىڭ ناقتىلىعىن, ونىڭ انىق مۇق­تاج جاندارعا باعىتتالۋىن قاداعالايدى. وسى ۇستانىم­مەن جاڭاجىلدىق, روجدەس­تۆولىق داستارقاندار جايى­لىپ, كوڭىلدى وتىرىس­تار ۇيىم­داستىردىق. ال مۇگە­دەك­­تەر مەن جاسى ۇلعايعان اتا-اجە­لەرىمىز ءۇشىن «قىسقى ازىق-ت ۇلىك قورجىنى» اكتسيا­سى ۇيىم­داستىرىلىپ, 1228 ادام­دى قۋانىشقا بولەدىك. سونداي-اق, 28 كىسىگە اقشالاي كومەك كور­­سەتىلسە, ءبىر قارياعا 45 مىڭ تەڭ­گەنىڭ ەستۋ اپپاراتىن سىي­لادىق. ءبىر انامىزدىڭ پروتەز ماسەلەسى دە شەشىلدى. مۇن­داي قايى­رىمدىلىق شارالارى جىل بويىنا جالعاسادى. «20 ىزگى ءىستىڭ» مۇمكىندىكتەرىن جاستارعا باعىتتاۋعا دا باسىم­دىق بەرىلۋدە. بۇل ورايدا جاڭا اعارتۋشىلىق جوبانى باستاعانىمىزدى ايتقىم كەلە­دى. جاستار كلۋبىنداعى جۇزگە جۋىق ادام 15 توپقا ءبولىنىپ, بىلىكتى مامانداردىڭ كومەگىمەن مەملەكەتتىك ءتىلدى جاڭا ءادىس­تە­مەمەن وقىپ-ۇيرەنۋدە. بۇل باس­تامانى ستەپنوگور, ششۋچە قالالارى مەن كوپتەگەن اۋداندار قولداپ وتىر. اتالعان شارالارعا اتا-انالاردىڭ دا قاتىسۋى قازاقستاندىق نەمىستەردىڭ قوعامدىق قارىمىن ارتتىرا تۇسەدى دەگەن ۇمىتتەمىز. بىرلەستىكتىڭ بەلدى مۇشەسى ەلەنا تاتارينتسەۆانىڭ «ۆۋن­دەركيند» ورتالىعىن قۇرۋى جۇرتشىلىقتى قۋانىشقا بولەدى. اتالعان جوبا ءۇش پەن جەتى جاس ارالىعىنداعى بالالاردى مەكتەپكە دايىنداۋ ماقسا­تىن كوزدەيدى. ولار قىزىقتى ويىن ساباقتارىندا نەمىس ءتىلىن, وتانتانۋ ءىلىمىن وقىپ-ۇيرەنىپ, لوگيكالىق تانىم, ويلاۋ ­قابى­لەتتەرىن دامىتادى. ءبىز وسى ارقى­لى قا­زاق­ستاندىق ­پات­ريوتيزم, ۇرپاقتار ساباقتاستىعى قۇندى­لىقتارىن بالا كەزدەن قالىپ­تاستىرۋدى كوزدەپ وتىرمىز. بىرەگەي اسسامبلەيا جىلىن مەرەكەلەۋ كوپۇلتتى مەم­لەكەتىمىزدىڭ مەرەيىن كوتەرەتىن, الەمدىك دەڭگەيدە وي سالاتىن وقيعا سانالادى. الدا قىرۋار ىستەر, قۋانىشتار كۇتىپ تۇر. مەن ءوزىمىزدىڭ كوپسالالى جۇ­مىسىمىزدىڭ ءبىر عانا باعىتىن اڭگىمەلەۋ ارقىلى ەرتەڭگى قىز­مەتىمىزدىڭ ارناسى كەڭدىگىن اڭعارتقىم كەلدى. تۇسىنىستىك پەن تۇراقتىلىققا نەگىزدەل­گەن قوعامىمىزدىڭ تۇعىرى بيىكتەي بەرەتىنىن, دوستىق شۋا­عىنا بولەنگەن حالقىمىزدىڭ بولاشاعى جارقىن ەكەندىگىن ماقتان ەتەمىن! سۆەتلانا كورنەەۆا, نەمىس ەتنومادەني بىرلەستىگىنىڭ جەتەكشىسى. اقمولا وبلىسى. سۋرەتتە: بىرلەستىك جەتەكشىسى سۆەتلانا كورنەەۆا.